Ебс-ийн багш нарын заах арга зүй, тэргүүн туршлагыг түгээн дэлгэрүүлэх зорилгоор 1980-аад оны дунд үеэс “Нээлттэй хичээлийн өдөрлөг” нэртэй арга хэмжээг зохион байгуулж эхэлсэн байна. Энэ өдөрлөгт бага, дунд ангийн олон тэргүүний багш нар хичээл зааж, шинэлэг санаа, арга туршлага нь Монголын нийт багш нарын дунд түгэн дэлгэрч, сургалтын чанарын ахиулах нэгэн нөхцөл болж байсан байна. Увс аймгийн физикийн багш Д. Гомбожав, Дундговь аймгийн монгол хэлний багш Д. Төмөр, Төв аймгийн монгол хэлний багш Н. Баяртогтох, Булган аймгийн бага ангийн багш Ганчимэг гээд шинийг санаачлагч олон багш өөрийн гэсэн хаягтай арга зүй бүтээж, түүгээрээ алдаршиж байсан байна.

1990-ээд оны эхэн үеэс энэ өдөрлөг өргөжиж, “Багшийн ур чадвар” гэсэн нэрийн дор зохион байгуулагдах болж, ЕБС-ийн багш нараас гадна хүүхдийн цэцэрлэгийн багш нарыг хамруулах болсон бөгөөд 2005 оноос 2010 он хүртэл бага анги, дунд анги, цэцэрлэгийн багш нарын уралдааныг жил жил ээлжлэн зохион байгуулах болов.

Бага, дунд боловсролын тогтолцооны шинэчлэлийн энэ цаг үед, бүтээлч сэтгэлгээтэй, хариуцлагатай иргэн бэлтгэх их зорилгыг хэрэгжүүлэхэд бүх шатны сургуулийн багш нараас мөн л бүтээлч сэтгэлгээ, эрэл хайлт, шинэ санааг шаардах бөгөөд багшийн арга зүйг энэхүү зорилго, шаардлагад нийцүүлэн хөгжүүлэх хэрэгцээг хангахад багш нарын ур чадварын уралдаан үнэтэй хувь нэмэр оруулж байгаа юм.  2011 оны хувьд бага, дунд ангийн багш нарын уралдаан зэрэг болж байгаагаараа онцлог бөгөөд нийт 69 багш 21 аймаг, нийслэл хотыг төлөөлөн оролцсон бөгөөд 30 нь бага анги, 29 нь дунд, ахлах ангийн багш байв.

Багш нарын 2011 оны улсын уралдаанд байр эзэлсэн бага ангийн багш нар

Багш нарын 2011 оны улсын уралдаанд байр эзэлсэн дунд ангийн багш нар

 Боловсролын хүрээлэн